L-Organizzjoni Xellugija Żminijietna sostniet li “filwaqt li f’Malta nitkellmu favur aktar tħawwil ta’ siġar u l-ħarsien ta’ dawk eżistenti, fl-Unjoni Ewropea, il-Grupp tal-PPE qed jaħdem biex jiddaħħal moratorju fuq politika kontra d-deforestazzjoni globali”.
“Din il-pożizzjoni skomda se żżid id-deforestazzjoni globali, peress li l-għan warajha huwa li jkomplu jinċentivaw l-importazzjoni ta’ materja prima u prodotti minn żoni li huma magħrufa sew għall-‘prattiċi mhux sostenibbli’ tagħhom.
“Prodotti bħal dawn huma fil-provvista ta ‘żejt mil-palm’, baqar, sojja, kafè, cacao, injam u gomma, u prodotti bħall-għamara, ċikkulata u ċanga”.
“Għalhekk, Żminijietna tħeġġeġ lill-MEPs Maltin, speċjalment dawk li jagħmlu parti mill-Grupp PPE biex joġġezzjonaw għal proposta bħal din”, saħqet Zminijietna – Leħen ix-Xellug.
Fir-rigward tal-Proġett ‘Creek’ tal-Imsida, approċċ sostenibbli u prattiku għanda tkun it-triq ‘il quddiem. Konġestjoni għolja tat-traffiku, għargħar, densità tal-popolazzjoni, ‘żoni pubbliċi inaċċessibbli’ u sistema ta’ mmaniġġjar fqir huma l-ordni tal-ġurnata f’dik iż-żona tal-Imsida.
Fuq nota pożittiva, Żminijietna tirrikonoxxi l-investiment pubbliku fir-riġenerazzjoni tal-pavimentar tul il-kosta tal-Imsida u l-Pietà.
