Manchester Conquest Pub kisbu rebħa importanti fil-kampjonat 8-a-side tad-darts meta għelbu lil-liders Qormi Hockey Club A 6-2.
It-tim mill-Isla rnexxielhom idawwar telfa f’rebħa u minkejja li l-Qriema baqgħu jissieltu sal-aħħar ma setgħu jagħmlu xejn sabiex jevitaw it-telfa.
Ħamrun Bayern A żammew it-tieni post tal-klassifika wara rebħa faċli ta’ 7-1 kontra MCP Floriana Ajax B. Rebħiet importanti kisbuhom MCP Floriana Ajax A u Ħamrun Education Men li għelbu lil PO’s Bar 6-2 u Sliema Inter DC 5-3 rispettivament.
Fil-kampjonat tat-tieni diviżjoni, Qormi Hockey B ftit sabu diffikulta’ sabiex għelbu lit-tim tal-qiegħ Birżebbuġa St Peters 8-0 sabiex baqgħu jżommu seba’ punti vantaġġ fuq Fgura Darts B li min-naħa tagħhom għelbu lil Ħamrun Bayern B 6-2. Whyte Hart jinsabu fit-tielet post tal-klassifika wara suċċess ta’ 6-2 kontra Żurrieq FC filwaqt li Munchies u Top Gun Bar temmew il-konfront ta’ bejniethom fi dro eċitanti ta’ 4-4.
Finalment mit-tielet diviżjoni, Banda Birżebbuġa 1990 jinsabu għaxar punti vantaġġ fuq l-eqreb rivali tagħhom Beland Bull’s Eye wara li rebħu 7-1 lil St Pauls Diamonds. Min-naħa tagħhom iż-Żwieten għelbu lil Education Ladies 6-2 filwaqt li fid-derby tal-Imqabba, Tal-Ġilju għelbu lil Mqabba FC 5-3. Cox Bar u Fgura Darts A offrew logħba bilanċjata bl-iskor finali jkun dak ta’ 4-4.
KLASSIFIKA – L-EWWEL DIVIŻJONI
Qormi Hockey A 38, Ħamrun Bayern A 36, Floriana MCP A 33, Ħamrun Education 31, Manchester Conquest Pub 25, Sliema Inter DC 17, PO’s Bar 6, Floriana Ajax MCP B 0
KLASSIFIKA – IT-TIENI DIVIŻJONI
Qormi Hockey B 43, Fgura Darts B 36, Buġibba Whyte Hart 31, Ħamrun Bayern B 23, Munchies Buġibba 22, Top Gun Bar 16, Żurrieq FC Darts 6, Birżebbuġa St Peter 0.
KLASSIFIKA – IT-TIELET DIVIŻJONI
Banda Birżebbuġa 1990 41, Beland Bull’s Eye 31, Qormi Hornets 28, St Paul’s Diamonds 24, Mqabba tal-Ġilju 19, Fgura Darts A 16, Cox Sports Bar 8, Mqabba FC Darts 6, Education Bar Ladies 4.
