JURGEN KLOPP – L-eks manager ta’ Liverpool, Jurgen Klopp, aċċetta fil-prinċipju li jkun il-coach tal-Ġermanja li jmiss hekk kif se jkun is-suċċessur ta’ Julian Naglesmann. Klopp, 59 sena, mistenni jiffirma kuntratt ta’ erba’ snin biex imexxi lit-team nazzjonali għall-Euro 2028 u għat-Tazza tad-Dinja 2030.

MOHAMED SALAH – L-eks attakkant ta’ Liverpool u l-Eġittu, Mohamed Salah, 34 sena, jista’ jkun qed jevita li jmur lejn il-Lega Pro Sawdija, bil-clubs joqogħdu lura mit-talbiet finanzjarji tiegħu.

MICHAEL OLISE – Bayern Munich qalu lil Real Madrid biex jinsew li jiffirmaw lill-attakkant Franċiż tagħhom Michael Olise, 24 sena, li mhux permess dan is-sajf.

KARIM ADEYEMI – L-attakkant ta’ Borussia Dortmund u l-Ġermanja, Karim Adeyemi, 24 sena, se jingħaqad ma’ Barcelona fi ftehim ta’ €31 miljun.

LUTSHAREL GEERTRUIDA – Arsenal u Liverpool se jiffaċċjaw taqtiegħa għat-trasferiment tad-difensur Olan­diż, Lutsharel Geertruida, 25 sena, ta’ RB Leipzig, li fl-ista­ġun li għadda kien misluf lil Sunderland.

FRANCISCO TRINCAO – Manchester City u Tottenham huma interessati fil-winger Portugiż, Francisco Trincao, 26 sena, u jistgħu jaħtfu t-trasferiment tiegħu ta’ €50 miljun lejn il-club Sawdi, Al-Ahli, mingħand Sporting CL.

JULIAN ALVAREZ – Barcelona mistennija jżidu l-mossa tagħhom għall-attakkant ta’ Atletico Madrid u l-Arġentina, Julian Alvarez, 26 sena, wara t-Tazza tad-Dinja b’offerta ta’ €130 miljun.

ELLIOT STROUD – Hull City ressqu offerta għall-midfielder ta’ Mjallby u stilla Svediża tat-Tazza tad-Dinja, Elliot Stroud, 24 sena.

DAVISON SANCHEZ – Como qed jittamaw li jiffirmaw lid-difensur tal-Ekwador, Davison Sanchez, 30 sena, iżda jistgħu jiġu skoraġġuti mill-prezz mitlub ta’ €30 miljun minn Gala­tasaray. Bejn l-2017 u l-2023 huwa lagħab 143 logħba ma’ Tottenham.

SENNE LAMMENS u ORLANDO GILL – Manchester United qed ifittxu goalkeeper li jista’ jikkompeti mal-Bel­ġjan, Senne Lammens, 24 sena, u jistgħu jfittxu lil Orlando Gill tal-Paragwaj, 26 sena, li huwa mifhum li għandu klawsola ta’ rilaxx ta’ £5.2 miljuni mal-club Arġentin, San Lorenzo.

JAMES TRAFFORD – It-tamiet ta’ Newcastle United li jiksbu lill-goalkeeper Ingliż, James Trafford, 23 sena, mingħand Manchester City żdiedu b’Aston Villa – rivali potenzjali għall-firma tiegħu – ħerqana li jżommu lin-numru wieħed tagħhom, l-Arġentin, Emiliano Martinez, 33 sena. Madankollu, Chelsea huma interessati wkoll.

MICHAEL EDWARDS – Il-kap eżekuttiv tal-football, Michael Edwards, telaq mir-rwol tiegħu mas-sidien ta’ Liverpool, Fenway Sports Group li qalu li t-tluq ta’ Edwards huwa parti minn “tranżizzjoni ppjanata wara t-tlestija ta’ prijoritajiet strateġiċi ewlenin”, filwaqt li l-president tal-grupp, Mike Gordon, qal li s-sidien huma “naturalment diżappuntati” dwar it-tluq tiegħu. Huwa telaq sentejn wara kuntratt ta’ tliet snin, wara li beda t-tieni perjodu jaħdem mill-qrib ma’ Liverpool f’Marzu, 2024, meta ġie mpjegat minn FSG biex jissorvelja t-tran­żizzjoni mill-era ta’ Jurgen Klopp.