Niġerjan ta’ 40 sena residenti Birżebbuġa, tilef ħajtu meta għeleb ammont ta’ madum fuqu waqt li kien qiegħed jaħdem f’maħżen.
L-inċident seħħ għall-ħabta tat-8:30 a.m., fi Triq il-Wied, Ħal Qormi. Fuq il-post issejjaħ tim mediku flimkien ma’ membri mid-Dipartiment tal-Protezzjoni Ċivili sabiex jassistu, iżda l-ħaddiem sfortunatament ġie ċċertifikat mejjet fuq il-post.
Bil-każ ġiet infurmata l-Maġistrat Dr Monica Borg Galea LL.D li fetħet inkjesta, filwaqt li l-investigazzjonijiet mill-Pulizija, flimkien mal-Awtorità għas-Saħħa u s-Sigurtà fuq il-post taxXogħol għadhom għaddejjin.