Ritratti: Alan Saliba
![YouTube video](https://i.ytimg.com/vi/lZT9gS41UIg/hqdefault.jpg)
Tfajla ta’ 19-il sena, residenti l-Qrendi, dalgħodu titlef ħajjitha f’inċident tat-traffiku li seħħ għall-ħabta tat-8:00 a.m fi Triq Ħal Qormi, il-Marsa.
Il-Pulizija tad-Distrett marru minnufih fuq il-post, fejn minn stħarriġ preliminari li sar, irriżulta li t-tfajla ta’ 19-il sena tilfet il-kontrol tal-vettura tat-tip Paxster u nqalbet, bil-konsegwenza li ħarget minn ġol-vettura u ġiet taħta.
Fuq il-post issejħet ambulanza li ħadet lit-tfajla l-Isptar Mater Dei għall-kura. Aktar tard, il- Pulizija ġiet infurmata mill-awtoritajiet tal-isptar, li sfortunatament hi tilfet ħajjitha.
Bil-każ ġiet infurmata l-Maġistrat tal-Għassa Dr Caroline Farruġia Frendo li qiegħda tmexxi inkjesta, mgħejjuna minn diversi esperti li ħatret.
Il-Pulizija tad-Distrett ta’ Ħal Qormi għadha għaddejja bl-investigazzjoni tagħha dwar dan il- każ.
Aktar Qabel:
Persuna ġarrbet xi ġrieħi wara li aktar kmieni kienet involuta f’inċident stradali fi Triq Ħal Qormi l-Marsa.
Inewsmalta tinsab infurmata li kienu għall-ħabta tat-8:00 a.m meta l-Pulizija ġiet infurmata li kien hemm bżonn l-assistenza tagħha fl-imsemmija triq. Għall-ewwel kien hemm ħjiel li l-mara kienet ittajret minn vettura, iżda aktar tard irriżulta li din il-persuna li kienet qiegħda tagħti servizz għal xi raġuni tilfet il-kontroll tal-vettura li kienet qiegħda ssuq u konsegwentament spiċċat fl-art.
Fil-Post issejħet ambulanza u tim mediku li assistew lill-persuna sakemm aktar tard setgħet tittieħed lejn l-Isptar Mater Dei għall-kura.
Intant il-Pulizija fi stqarrija maħruġa minnha appellat lill-pubbliku biex jevita l-imsemmija triq direzzjoni lejn Ħal Qormi minħabba li din ingħalqet għat-traffiku sakemm isiru l-investigazzjonijiet neċessarji.
![](https://www.inewsmalta.com/wp-content/uploads/2020/05/95787002_3299900960028329_7947603807473500160_n-1.jpg)
![](https://www.inewsmalta.com/wp-content/uploads/2020/05/96020961_1368655253338846_3213069771486527488_n-1.jpg)
![](https://www.inewsmalta.com/wp-content/uploads/2020/05/96157897_2625690610978620_6675325973459632128_n-1-1024x681.jpg)
![](https://www.inewsmalta.com/wp-content/uploads/2020/05/96292064_241308166939420_2139738159812968448_n-2.jpg)
![](https://www.inewsmalta.com/wp-content/uploads/2020/05/96413509_1486502091522440_8834986523758690304_n-2.jpg)
![](https://www.inewsmalta.com/wp-content/uploads/2020/05/96510465_668843640620745_2778913096859648000_n-1.jpg)
![](https://www.inewsmalta.com/wp-content/uploads/2020/05/96684347_2900100773408234_543227201605074944_n-1.jpg)