Sebgħa u disgħin immigrant ġew salvati fiż-żona Maltija ta’ tiftix u salvataġġ (SAR). Qalet dan l-NGO umanitarja Alarm Phone li qalet li l-vapur bl-immigranti abord issa qed ifittex port sigur fejn jidħol.
F’messaġġ fuq twitter Alarm Phone qalet li dgħajsa b’90 immigrant abbord kienet talbet għall-għajnuna wara li telqet mil-Libja.
Alarm Phone qalet li d-dgħajsa bl-immigranti kienet tinsab fl-SAR ta’ Malta, u li kienu informaw lill-awtoritajiet Maltin.
Fi tweet separat wara madwar sagħtejn Alarm Phone qalet li l-immigranti kienu ġew salvati mill-NGO Open Arms.
Fil-messaġġ tagħha Alarm Phone qalet li l-Frozi Armati ta’ Malta rrifjutaw milli jirrispondu għas-sejħa ta’ għajnuna. L-NGO temmet tgħid li Open Arms issa tinħtieġ port sigur fejn iddaħħal l-immigranti.
?️ 90 people in distress in #Malta SAR!
— Alarm Phone (@alarm_phone) January 2, 2021
Tonight we have been alerted by 90 people who fled from #Libya towards #Europe. We informed authorities about the emergency in the Maltese SAR, but RCC Malta either doesn't pick up or hangs up our calls immediately.
