Il-president tal-UEFA Aleksandar Ceferin waqt il-ftuħ tal-Konvenzjoni tal-Futbol Ewropew, ftit ġranet ‘il bogħod mit-tazza tad-dinja tkellem dwar il-futur ta’ dan l-isport u xeħet botta fina lejn l-organizzaturi tas-Super League li kienet se tkun għaqda ta’ klabbs ewlenin Ewropej.
“Nemmen ħafna bid-djalogu fejn fih jiġu pprattikati l-valuri ta’ għaqda, solidarjeta’, inklużjoni u l-isport fih innifsu. Dan hu l-veru futbol li nemmen fih li jkun kostruttiv mhux distruttiv.”
Bosta osservaturi taw ir-reazzjoni tagħhom għal dan id-diskors ta’ Ceferin fejn ħafna qablu miegħu speċjalment għax il-ħolqien ta’ Super League Ewropew ikisser il-valur veru tal-futbol.
