Sliema Wanderers ħabbru l-akkwist tal-player internazzjonali Malti, Alexander Satariano, b’kuntratt ta’ tliet snin.
Magħruf bħala wieħed mill-aqwa talenti tal-futbol Malti, Alexander jirritorna fil-Malta Premier League bħala l-aħħar akkwist ewlieni fl-iskwadra tal-Wanderers.
Il-kwalità tiegħu, il-mentalità rebbieħa, u l-esperjenza siewja tiegħu kemm lokalment kif ukoll barra minn Malta se jkunu ta’ benefiċċju kbir hekk Sliema qed ikomplu jibnu l-iskwadra għall-istaġun li ġej.
Prodott ta’ St Andrews, li magħhom għamel ukoll id-debutt tiegħu fil-Malta Premier League, Satariano kien ingħaqad ma’ Sliema Wanderers b’self fl-istaġun 2019/20, u b’hekk issiġilla trasferiment mal-Wanderers fl-istaġun ta’ wara.
Fis-sajf tal-2021, ingħaqad ma’ Frosinone fl-Italja iżda wara li ftit li xejn kien utilizzat minn da nil-klabb, ingħaqad ma’ Pergolettese b’self.
Fl-istaġun ta’ wara, Satariano ġie misluf lil Balzan u wara t-terminazzjoni tal-kuntratt tiegħu ma’ Frosinone fis-sajf tal-2023, ingħaqad ma’ Birkirkara.
Dan sabiex fil-25 ta’ Lulju tas-sena li għaddiet, ingħaqad mat-tim Grieg tas-Super League 2, Athens Kallithea FC.
