Mument li ma jintesiex għall-player żagħżugħa Amy Catania, li fl-età ta’ 15-il sena biss skorjat l-ewwel goal tagħha fil-Kampjonat tal-Kbar.
Catania sabet ix-xibka waqt ir-rimonta impressjonanti tat-tim tagħha kontra Valletta; hija tat il-kontribut tagħha f’riżultat memorabbli u, fl-istess ħin, laħqet tragward personali importanti.
Għadha fil-bidu tal-vjaġġ tagħha fil-futbol tal-kbar, u din iż-żagħżugħa ta’ 15-il sena qed tkompli tikseb esperjenza siewja filwaqt li tħalli l-marka tagħha f’dan il-livell.
Prosit lil Amy għall-ewwel gowl tagħha fil-Kampjonat tal-Kbar – nittamaw li jkun l-ewwel wieħed minn ħafna!
Talent żagħżugħ Malti ieħor li qed iħalli l-marka tiegħu fil-futbol tan-nisa.
