Ilbieraħ, it-Tnejn 23 ta’ Jannar ġiet inawgurata skola primarja tat-tfal Etjopjani msemmija għal Rebecca Zammit Lupi. Minbarra l-iskola, ġew inawgurati wkoll bitħa u skola tat-tfal iż-żgħar b’tifkira għal żewġ persuni Maltin, Karl Pace u Jonathan Chetcuti.
Il-Fondazzjoni Sigma bdiet dan il-proġett madwar sitt snin ilu. L-għan prinċipali kien li jiżgura ikel u edukazzjoni għal madwar 1,000 tifel Etjopjan f’Jimmy Bonga. Barra minn hekk il-Fondazzjoni kien appoġġjata minn €300,000 mogħtija f’fondi miġbura minn spedizzjonijiet preċedenti ta’ Camino.
Darrin Zammit Lupi, missier Rebecca huwa wieħed mill-kontributuri ewlenin. Permezz ta’ dan il-proġett huwa assigura li l-memorja tat-tifla tiegħu Rebecca ser tibqa’ ħajja.
