Arsenal qed iħarsu lejn il-possibbiltá li jakkwistaw is-servizzi tal-winger ta’ 18-il sena Ivan Fresneda. Huwa jilgħab ma’ Valladolid fi Spanja iżda hu meqjus bħala plejer b’talent kbir b’mod partikolari mal-linja xellugija.
Ftit tal-ġimgħat ilu, il-Gunners bagħtu l-iskawts tagħhom fi Spanja b’dawn tal-aħħar li baqgħu impressjonati bit-talenti tiegħu.
Fresneda diġa’ lagħab 23 partita staġjonali ma’ Valladolid iżda ma skorja l-ebda gowl.
