Arsenal għamlu l-ewwel offerta tagħhom għall-playmaker ta’ Eintracht Frankfurt, Jesper Lindstrom.
Il-ġimgħa li għaddiet, ġie rrappurtat li l-leaders tal-Premier League kienu ngħaqdu fit-tellieqa għall-player internazzjonali Daniż, li tant qed jiffjorixxi fid-Deutsche Bank Park.
Lindstrom fforma parti mill-iskwadra rebbieħa tal-Europa League ta’ Frankfurt is-sena li għaddiet, fejn irreġistra erba’ assists f’disa’ dehriet u lagħab 70 minuta kontra Rangers fil-finali.