Arsenal jinsabu viċin li jiffirmaw lill-winger internazzjonali Ukren, Mykhaylo Mudryk, mingħand Shakhtar Donetsk.
Il-Gunners iridu jsaħħu l-iskwadra tagħhom fit-tentattiv li jkomplu jisfidaw għar-rebħ tal-Premier League Ingliż meta bħalissa qed igawdu vantaġġ ta’ seba’ punti fuq l-eqreb rivali, Manchester City.
Arsenal qed jaraw lil Mudryk bħala s-suċċessur denju ta’ Gabriel Jesus li qed jirkupra minn injury u għandu sa Marzu li ġej biex jirritorna fl-azzjoni.
Mudryk ilu fuq ir-radar tagħhom mis-sajf li għadda, għalkemm it-talba tal-club Ukren hija dik ta’ £85 miljun … l-istess somma li Manchester United nefqu fuq il-Brażiljan Antony.
Arsenal ilhom ġimgħat għaddejjin f’taħditiet u raw l-ewwek offerta ta’ £35.5 miljuni bil-quddiem flimkien ma bonuses oħra li jammontaw għal £17.7 miljuni, miċħuda.
Il-Gunners issa rritornaw bit-tieni offerta mtejba – għalkemm xorta huwa maħsub li taqa’ b’mod sinifikanti taħt il-valutazzjoni ta’ Shakhtar.
Iżda skond rapporti, il-club Ukren jista’ jinżel mill-ewwel valutazzjoni tiegħu.
