Arsenal se jipprovaw jiffirmaw kemm difensur ġdid kif ukoll midfielder meta tiftaħ it-tieqa tat-trasferimenti ta’ Jannar.
Sajf impenjattiv ra lill-Gunners iġibu lil Ben White, Martin Odegaard, Aaron Ramsdale, Takehiro Tomiyasu, Albert Sambi Lokonga u Nuno Tavares fil-club.
Madankollu, id-direttur ta’ Arsenal Edu diġà ddeċieda dwar il-potenzjal tal-club fiż-żewġ akkwisti li ġejjin, b’difensur u midfielder ġdid li għandhom jiġu mmirati fil-bidu tal-2022.
Il-manager Mikel Arteta għadu jemmen li t-team huwa dgħajjef fid-difiża minkejja li akkwistaw lil White, Tomiyasu u Tavares matul is-sajf.
Il-Gunners jistgħu jagħmlu offerta għall-goalkeeper ġdid matul it-tieqa tat-trasferimenti ta’ Jannar jekk Bernd Leno, jagħżel li jħalli l-club.
Arsenal se jippruvaw jiksbu ħames rebħiet konsekuttivi fil-kompetizzjonijiet kollha meta jaffrontaw lil Brighton & Hove Albion barra minn darhom fil-Premier League nhar is-Sibt filgħaxija.
