Atleti mir-Russja u mill-Belarus mhux se jitħallew jikkompetu fil-Paralimpiċi tax-Xitwa tal-2022 f’Beijing.
Il-Kumitat Paralimpiku Internazzjonali kien ikkritikat ħafna wara li inizjalment ħalla lill-atleti jikkompetu bħala newtrali.
Stqarrija nhar il-Ħamis qalet li s-“sitwazzjoni fl-irħula tal-atleti” saret “insostenibbli”.
Il-president tal-IPC, Andrew Parsons, iddeskriva lill-atleti milquta bħala “vittmi tal-azzjonijiet tal-gvernijiet tagħkom”.
Is-Sibt jibdew il-Logħob Paralimpiku tax-Xitwa, biċ-ċerimonja tal-ftuħ issir nhar il-Ġimgħa.
“Aħna nemmnu ħafna li l-isport u l-politika m’għandhomx jitħalltu,” qal Parsons.
“Madankollu, il-gwerra issa wasslet għal dawn il-Logħob u wara l-kwinti ħafna gvernijiet qed ikollhom influwenza fuq l-avveniment għażiż tagħna.
“Li niżguraw is-sigurtà in ġenerali u s-sigurtà tal-atleti hija ta ‘importanza kbira għalina u s-sitwazzjoni fl-irħula tal-atleti qed teskala u issa saret insostenibbli.”
Kien hemm 71 kompetitur mir-Russja u 12 mill-Belarus – flimkien ma’ gwidi għaż-żewġ nazzjonijiet – li jikkompetu f’Beijing.
Peró issa kellhom jirtiraw.
