Meta Julian Alvarez daħal bħala sostitut fid-draw ta’ 2-2 bejn Atletico Madrid u Villarreal, huwa kien milqugħ b’ibbuwjar kontinwu mill-partitarji tiegħu stess.
Il-futur tal-attakkant Arġentin fil-club jinsab taħt dubju u ġie mgħajjar meta tħabbar ismu u wkoll meta daħal fil-logħba.
Fi tmiem il-partita, Alvarez telaq lejn id-dressing room waħdu, waqt li sħabu marru jsellmu lill-partitarji.
Diego Simeone qal li l-klabb iddeċieda li ma jħallihx imur għand il-partitarji biex tiġi evitata sitwazzjoni agħar.
Min-naħa tiegħu, il-goalkeeper, Jan Oblak, esprima t-tama li s-sitwazzjoni diffiċli tissolva malajr.
