Atletico Madrid qalu li hemm “0% ċans” li jbiegħu lil Julian Alvarez lil Barcelona, minkejja li l-president tal-club Katalan, Joan Laporta, qal li għadhom interessati fil-plejer.
Alvarez, li ngħaqad ma’ Atletico minn Manchester City fl-2024, jinsab fiċ-ċentru ta’ spekulazzjonijiet intensi dwar trasferiment.
Wara li kien ibbuwjat minn partitarji ta’ Atletico waqt il-logħba kontra Villarreal, huwa ma attendiex għat-taħriġ tal-Erbgħa minħabba li ma kienx qed iħossu tajjeb.
Barcelona qalu li l-offerta tagħhom ta’ €100 miljun għadha valida u beħsiebhom ikomplu jippruvaw jiffirmawh sal-aħħar tas-suq tat-trasferimenti.
Madankollu, Atletico, akkużaw lil Barcelona li qed jagħmlu ħsara lill-club ekonomikament u soċjalment. Sadanittant, Arsenal ukoll qed juru interess qawwi fl-attakkant, iżda sorsi qrib il-player jgħidu li Alvarez għadu jixtieq jibqa’ fi Spanja.
