Il-UEFA mistennija tirtira t-theddida tagħha li tibbojkottja l-kompetizzjonijiet tal-FIFA wara li rċeviet assigurazzjonijiet li l-pjan ta’ Gianni Infantino biex jinbiegħu ishma fit-Tazza tad-Dinja lil investituri privati mhux se jerġa’ jsir.
Il-kwistjoni se tiġi diskussa mill-kumitat eżekuttiv tal-UEFA f’Monaco. Infantino kien abbanduna l-proposta tal-FIFA Forward Enterprises u talab skuża għall-iżbalji, iżda l-UEFA kienet għadha mhix sodisfatta u talbet garanziji għall-futur.
Jekk il-bojkott jitneħħa, it-Tazza tad-Dinja tan-Nisa ta’ Taħt l-20 sena fil-Polonja se ssir kif ippjanat, bil-parteċipazzjoni ta’ sitt timijiet Ewropej.
Madankollu, il-UEFA se tkompli tagħmel pressjoni għal bidliet fit-tmexxija tal-FIFA. Aleksander Ceferin jistenna li Infantino jirriżenja jew jiffaċċja sfida fl-elezzjonijiet ta’ Marzu. Lisa Nandy wkoll opponiet il-bojkot, għax ma tridx li l-plejers żgħażagħ jiġu penalizzati.
