F’lejlet il-bidu tal-kampjonat Spanjol, Barcelona rnexxielhom jirreġistraw erbgħa mill-ħames players li akkwistaw.
Huma rnexxielhom jagħmlu dan wara li ppreżentaw il-kotba finanzjarji quddiem l-FA Spanjola biex ikunu konformi tal-Financial Fair Play. Huwa rrappurtat li għandhom dejn ta’ €1.35 biljuni.
Il-Katalani kellhom ibiegħ 25% tal-assi tagħhom sabiex ikunu jistgħu jsaħħu l-iskwadra tagħhom fejn nefqu xejn inqas minn €153 miljun.
Huma ffirmaw lil Franck Kessie (Milan), Andreas Christiansen (Chelsea), Robert Lewandowski (Bayern Munich), Raphinha (Leeds United) u Jules Kounde (Sevilla).
Iżda dan tal-aħħar ikollu jistenna biex jagħmel id-debutt tiegħu minħabba li ma setax jiġi reġistrat għall-ewwel partita tal-kampjonat, dik kontra Rayo Vallecano.
