Friday, May 24, 2024

Barcelona qed jikkunsidraw li jieħdu passi legali fuq il-‘goal fantażma’ kontra Real Madrid

Aqra wkoll

Il-president ta’ Barcelona Joan Laporta qal li mhux qed jeskludi li jieħu azzjoni legali dwar il-‘goal fantażma’ ta’ Lamine Yamal fit-telfa ta’ 3-2 kontra Real Madrid.

Iż-żagħżugħ Yamal ħaseb li poġġa lil Barcelona fil-vantaġġ ta’ 3-2 fil-Bernabeu iżda l-goalkeeper ta’ Real Andriy Lunin, li kien wara l-linja fatali tajjar il-ballun ‘il barra.

Il-Katalani pprotestaw bil-kbir li l-ballun kien qabeż il-linja iżda r-referee ddeċieda li ma kienx il-każ u mingħajr teknoloġija tal-goal f’La Liga, il-VAR ma setax jipprova dan.

Barca spiċċaw tilfu l-partita wara li Jude Bellingham skorja l-goal r-rebbieħ fl-ewwel minuta tal-ħin miżjud.

Laporta qal li l-club se jitlob il-filmati ta’ dan l-inċident mill-Kumitat tar-Refereeing Tekniku tal-FA Spanjola biex jiddetermina jekk il-goal kienx validu jew le.

“Jekk, ladarba din id-dokumentazzjoni tkun ġiet analizzata, il-club jifhem li sar żball fir-reviżjoni tal-inċident, se nieħdu l-miżuri kollha disponibbli biex ireġġgħu lura s-sitwazzjoni, mingħajr ma niskontaw, ovvjament, kull azzjoni legali meħtieġa,” qal Laporta.

Sport