Il-coach ta’ Barcelona Xavi qal li l-club se jfittex li jbigħ lil Ousmane Dembele qabel tmiem it-tieqa tat-trasferimenti ta’ Jannar jekk ma jiffirmax ftehim ġdid fil-Camp Nou.
Il-kuntratt tal-internazzjonali Franċiż mal-ġganti Katalani għandu jiskadi fl-aħħar ta’ Ġunju, u ż-żewġ partijiet għadhom maħsuba li huma xi ftit ’il bogħod minn xulxin f’termini tat-talbiet tagħhom.
L-aġent ta’ Dembele Moussa Sissoko qal li Barcelona bil-mod il-mod se jkunu qed “jitilfu” lir-rebbieħ tat-Tazza tad-Dinja tal-2018, u Juventus u Manchester United huma maħsuba li qed jikkompetu biex jiffirmawh bi free transfer.
Xavi qal li l-club issa jrid ikun jaf jekk il-player ta’ 24 sena hux se jkun qed jiffirma estensjoni, bit-tluq ta’ Jannar għall-attakkant issa hija possibbiltà ġenwina.
“Ma rrid niżrispetta lil ħadd. Il-messaġġ huwa ċar: jew iġedded jew tfittex li tħalli l-club,” qal Xavi lill-ġurnalisti. “Mhix sitwazzjoni faċli jew pjaċevoli, iżda l-interessi tal-club huma tal-akbar importanza.”
“Qegħdin f’sitwazzjoni kumplessa u diffiċli. Jekk ma jġeddidx, il-club irid isib soluzzjoni. Ma nistgħux nkunu f’din is-sitwazzjoni. Ilna nistennew. Id-direttur Sportiv Mateu Alemany ilu jitkellem mal-aġent ta’ Dembele għal ħames xhur u ma nistgħux nistennew aktar.”
Rapporti riċenti ssuġġerew li Dembele qed jitlob kuntratt ta’ £700,000 fil-ġimgħa ma’ Barcelona, bl-allegati talbiet tal-Franċiż jingħad li ħasdu lil Xavi.
