Thursday, April 3, 2025

B’daqsxejn boxing, ġirja fit-triq jew diskussjoni ma’ xi ħadd, nirbħu kollox fil-ħajja- Keith Vassallo

Aqra wkoll

Minn Cristian Muscat

Kif bdiet l-imħabba tiegħek lejn il-boxing?

L-imħabba tiegħi lejn il-boxing bdiet meta esperjenzajt il-boxing jien innifsi bis-saħħa ta’ Brandon ‘Bogon’ Borg. Bdejt nara li l-boxing hu sport b’saħħtu li fih ħsieb daqs iċ-chess. Trid tuża moħħok il-ħin kollu inkella taqla’, tweġġa’ u bħall-ħajja ġieli titlef u ġieli tirbaħ jekk ma tħaddimx rasek.

Iddeskrivi r-rwol tiegħek bħala manager tal-boxing ewlieni Malti, Brandon ‘Bogon’ Borg.

Ir-rwol tiegħi bħala manager ta’ Brandon ‘Bogon’ Borg hu wieħed sempliċi – dak li nara li  Team Bogon qed iwassal messaġġ ta’ kuxjenza u nara li l-interessi ta’ Brandon huma mħarsa. Bħalissa ma nsibx ġlied jien u ma tantx nindaħallu f’dak l-aspett peró Brandon joqgħod ħafna fuq li ngħid jien u kull meta niġu biex niġġieldu dejjem nagħmel riċerka estensiva.

Int ukoll tmexxi l-Autism Awareness Campaign permezz tal-boxing. Agħtina iktar dettalji.

Autism Awareness Campaign mhi xejn ħlief idea tiegħi li naħdem ma’ Brandon biex inwassal messaġġ ta’ għarfien fuq kwistjoni li hi importanti. L-awtiżmu hu suġġett li personalment jaffaxxinani u għaqqadtu mal-boxing jiġifieri ma’ Brandon għax naf kemm huwa jħobb jgħin in- nies u anke minħabba li l-awtiżmu l-istess bħall-boxing u l-ħajja dejjem trid tiġġieled biex timxi ‘l quddiem, dik ix-xi ħaġa li hemm tfal jiġu għall-boxing peró jagħtu widnejhom minħabba l-ħoss qawwi tal-bag u hawn ġenituri li m’għandhomx għarfien għalfejn qed jagħttu widnejhom it-tfal tagħhom tkompli isaħħaħni biex nagħti aktar leħen għal dawn it-tfal u ġenituri.

Kif tqis il-livell tal-boxing f’pajjiżna fil-preżent?

Mill-aspett ta’ atleti hawn kwalitá kbira Malta, lanqas temmen, u emminni nies dedikati mmens, infatti Brandon bin-nutrizzjoni tiegħu stess, ‘nutriwise’, daqshekk hawn kwalitá. Bħala livell ta’ sport nemmen li għad hawn ‘grey areas’ li l-istat għandu jaħdem fuqhom u qed ngħid hekk għas-sempliċi raġuni li dawn l-atleti jinvestu wisq biex ikun hemm affarijiet tħallihom għaddejjin.


X’tikkummenta fuq ir-riżorsi fejn titħarrġu u tipprattikaw il-boxing f’Malta?

Bħala riżorsi allaħares ma nsibux gyms bħall-Fort Fitness u oħrajn li jiftħulna l-bieb għax inkella nittrenjaw fit-triq . Personalment, nemmen li mal-ħin l-istat għandu jinvesti f’dawn il- gyms u jgħaqqadhom ma’ servizzi soċjali u ‘bodies’ oħrajn – dak it-tip ta’ riżorsi qed nistenna u b’hekk inżommu t-tfal ‘il bogħod mill-ħażen.

Kif qed tħares lejn il-futur tiegħek f’dan l-isport li tant tħobb?

Bħalissa qed inħares lejn il-futur tiegħi fil-boxing f’Team Bogon u Autism Awareness peró din qed tikber ħafna u fil-veritá nemmen li n-nies qed jitgħallmu iżjed fuq newrodiversitá speċjalment ta’ madwarna – dawk li jjsegwuna. Peró, bħala futur qed nipprova nżomm lili nnifsi ‘contained’ – dan minħabba li l-ideat tiegħi diġá ġew mhux mifhuma. Iż-żmien jagħtina parir!

Għaddi messaġġ finali llil min jixtieq jibda jipprattika l-boxing.

Jien il-messaġġ tiegħi ngħaddih lill-pubbliku ġenerali, għall-boxers hemm il-kowċis, lill- pubbliku ngħidlu dan: il-ġlieda tan-newrodiversitá hi bħall-boxing – daqqa taqla’ daqqiet u jitfgħuk lura u daqqa tagħti d-daqqiet u tirbaħ il-ġlieda. ADHD, awtiżmu dawn huma bħal kollox. Irridu nifhmu lil xulxin, ma naqtgħux qalbna, dejjem hemm min hu agħar minna, peró b’daqsxejn boxing, ġirja fit-triq jew diskussjoni ma’ xi ħadd, nirbħu kollox fil-ħajja!

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport