Thursday, June 13, 2024

Beach Soccer: Meħtieġa decider għar-raba’ post bejn Sliema u Ta’ Xbiex

Aqra wkoll

Se tkun meħtieġa decider bejn Sliema Beach Soccer u Ta’ Xbiex sabiex jiġi determinat min se jikseb ir-raba’ post tal-klassifika li jfisser post fil-play-offs.

Fil-fatt is-Slimiżi rebħu l-konfront ta’ nofs il-ġimgħa kontra La Playa de Arena 4-3 bil-plejer Taljan Vincenzo Margiotta li kien awtur ta’ tliet gowls u b’Shalon Diacono li żied ieħor għat-tim tiegħu.

Għalxejn kienu l-gowls ta’ Daryl Micallef, Indrek Palm u Andre Cutajar.

Min-naħa l-oħra, Ta’ Xbiex kienu involuti fi tliet logħbiet fejn rebħu waħda iżda tilfu tnejn.

Huma għelbu lil Birżebbuġa Tigers 10-5 b’Ryan Dalli u Saturday Nanapere li kienu awturi ta’ tliet gowls b’Jeremy Cassar li wettaq doppjetta u b’Giovanni Galea u Zvezdan Vukovic li żiedu aktar gowls għat-tim tagħhom.

Nigel Spiteri u Brandon Bray skorjaw żewġ gowls għal Birżebbuġa filwaqt li Noel Tabone ukoll niżżel ismu fost l-iskorers.

Minkejja kollox, Ta’ Xbiex tilfu 8-2 kontra Naxxar Lions li min-naħa tagħhom aċċertaw ruħhom mit-tieni post.

Nicholas Schembri u Lee Joe Schembri skorjaw erba’ gowls kull wieħed għal Naxxar b’Saturday Nanapere li kien awtur ta’ doppjetta.

Ta’ Xbiex tilfu wkoll l-aħħar konfront tagħhom għal din il-ġimgħa kontra Ħamrun Beach Soccer 6-4. Dawn tal-aħħar temmew l-ewwel fażi fil-quċċata wara sensiela ta’ riżultati pożittivi. Antonello Demanuele u David Emanuel Garba skorjaw żewġ gowls kull wieħed b’Chieck Kone u Shamison Farrugia li komplew iżidu aktar gowls għal Ħamrun. Doppjetta ta’ Antonello Demanuele u gowls oħrajn ta’ Giovanni Galea u Saturday Nanapere irrispondew għal Ta’ Xbiex.

Ħamrun kellhom ukoll riżultat ieħor pożittiv meta għelbu lil La Playa de Arena 7-3.

L-aqwa skorer tal-kampjonat David Emanuel Garba skorja tliet gowls b’Nezar Abouhaisa jżid tnejn oħra. Antonello Demanuele u Shamison Farrugia ukoll sabu x-xibka.

Mantas Makutonovicius skorja doppjetta filwaqt li Daryl Micallef kompla naqqas il-marġni tal-iskor għal La Playa.

KLASSIFIKA – NESTLE ICE CREAM BEACH SOCCER LEAGUE

Ħamrun 27, Naxxar Lions 21, La Playa de Arena 14, Sliema Beach Soccer, Ta’ Xbiex 8, Birżebbuġa Tigers 6.

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport