Thursday, June 13, 2024

Beach Soccer: Naxxar Lions jibqgħu fl-ewwel post

Aqra wkoll

Naxxar Lions baqgħu jżommu l-ewwel post tal-klassifika tan-Nestle Ice Cream Beach Soccer League wara li kisbu żewġ rebħiet oħra matul din il-ġimgħa.

In-Naxxarin għelbu lil Birżebbuġa Tigers 8-2 f’logħba li huma ddominaw fejn minkejja li sfaw gowl minn taħt, dawru l-iskor favurihom.

Yessous Camilleri kien awtur ta’ erba’ gowls filwaqt li Nicholas Schembri skorja doppjetta. John Paul Zammit u Lee Joe Schembri żiedu aktar gowls għat-tim tagħhom.

Lydon Cuschieri u Noel Tabone irrispondew għal Birżebbuġa Tigers.

L-istess Naxxar Lions kisbu rebħa ta’ 3-1 kontra La Playa de Arena. Lydon Micallef, Marcelo Dias u Nicholas Schembri skorja wgħal-Lions b’Pak King Lee inaqqas l-iskor għal La Playa de Arena.

Fit-tieni post tal-klassifika hemm Ħamrun u Birżebbuġa Tigers b’sitt punti. Il-Ħamruniżi għelbu lil Ta’ Xbiex Sports Club 4-1. Emanuel Garba spikka għal Ħamrun meta skorja hat-trick b’Faisal Alnakoou li żied ieħor għat-tim tiegħu. Dunstan Zarb skorja l-uniku gowl għal Ta’ Xbiex.

Min-naħa tagħhom, Birżebbuġa Tigers pattew għat-telfa li kellhom kontra Naxxar wara li għelbu lil Ta’ Xbiex 7-3. Nigel Spiteri skorja doppjetta filwaqt li Brandon Bray, Noel Tabone, John Paul Barbara, Kayne Haber u Lydon Cuschieri niżżlu isimhom fost l-iskorers.

Saturday Nanapere, Antoine Barbara u Ryan Dalli naqqsu l-iskor għal Ta’ Xbiex.

Ta’ Xbiex irreġistraw l-ewwel rebħa tagħhom f’dan il-kampjonat meta għelbu lil Sliema 6-5. Zvezdan Vukovic, Saturday Nanapere u Koiba Desire skorjaw doppjetta kull wieħed b’Shalon Diacono, Andrea Coppola, Matthew Agius, Vincenzo Margiotta u Simone Palma jirrispondu għas-Slimiżi.

F’logħba ferm bilanċjata, La Playa de Arena għelbu lil Sliema 5-4 wara l-għoti tal-penalties. L-iskor sal-ħin regolamentari kien dak ta’ 4-4 b’Vincenzo Margiotta u Simone Palma jiskorjaw doppjetta kull wieħed. Indrek Palm, Andre Cutajar u doppjetta ta’ Mantas Makutunevicius irrispondew għal La Playa de Arena.

KLASSIFIKA – NESTLE ICE CREAM BEACH SOCCER LEAGUE

Naxxar Lions 12, Ħamrun, Birżebbuġa Tigers 6, La Playa de Arena 5, Ta’ Xbiex Sports Club 3, Sliema Beach Soccer 0.

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport