Il-klabb Arġentin ta’ Boca Juniors irid jikseb is-servizzi tad-difensur veteran Sergio Ramos li bħalissa jinsab mingħajr klabb. Dan tal-aħħar għandu 38 sena u l-aħħar esperjenza tiegħu kienet ma’ Seville fi Spanja stess.
Il-president ta’ Boca Juniors Juan Roman Riquelme qal li jixtieq ħafna lil dan il-plejer għal Jannar u se jaħdem sabiex din il-wegħda ssir realta’.
Ħafna partitarji qed jistennew din l-aħbar minħabba li Ramos igawdi fama kbira fl-Arġentina.
