Borussia Dortmund rebħu t-tellieqa biex jakkwistaw lill-winger ta’ Red Bull Salzburg, Karim Adeyemi.
Iż-żagħżugħ ta’ 19-il sena qed jitqies bħala wieħed mill-aqwa prospeii fil-football Ewropew, wara li skorja 15-il goal u pprovda tliet assists f’27 dehra fil-kompetizzjonijiet kollha f’dan l-istaġun.
Dawk iċ-ċifri jinkludu tliet goals u żewġ assists f’sitt logħbiet taċ-Champions League, b’Adeyemi jgħin lil Salzburg biex isir l-ewwel club Awstrijakk li qatt ikkwalifika għall-fażijiet tan-knockout tal-kompetizzjoni.
Numru ta’ clubs maġġuri Ewropej ġew marbuta ma’ trafseriment għall-Ġermaniż, b’Liverpool u Barcelona issemmew li huma fost dawk ta’ quddiem għall-firma tiegħu.
Madankollu, Adeyemi issa qabel ma’ kuntratt ta’ ħames snin ma’ Dortmund bit-tama li jista’ jsegwi l-passi ta’ Erling Braut Haaland.
Kwalunkwe ftehim mistenni jistenna sas-sajf, filwaqt li jista’ jieħu ħlas ta’ £30 miljun biex iħalli lill-club Awstrijakk peress li l-kuntratt tiegħu jiskadi fl-2024.
Adeyemi qed jittama li ritorn lejn art twelidu jgħinu jikseb post fl-iskwadra tal-Ġermanja għat-Tazza tad-Dinja 2022, wara li skorja goal wieħed fi tliet dehriet għat-team nazzjonali s’issa din is-sena.
