Borussia Dortmund qed jitolbu somma ta’ €150m għal Jude Bellingham, bil-ġganti tal-Bundesliga mistennija li jbigħu lill-midfielder matul is-suq tat-trasferimenti tas-sajf li ġej.
Iż-żagħżugħ ta’ 19-il sena għamel 100 dehra għal Dortmund sa minn meta ngħaqad magħhom mingħand Birmingham City fis-sajf tal-2020, u rreġistra 13-il goal u 18-il assist fil-proċess.
L-istaġun li għadda, Bellingham skorja sitt goals u pprovda 14-il assist f’44 dehra fil-kompetizzjonijiet kollha, filwaqt li kien ukoll player ewlieni għal BVB f’dan l-istaġun.
