Bruno Fernandes ta’ Manchester United u Khadija Shaw ta’ Manchester City rebħu l-premju tal-PFA għall-Player tas-Sena fil-kategoriji tal-irġiel u tan-nisa rispettivament.
Fernandes kellu staġun eċċellenti, fosthom billi stabbilixxa rekord ġdid ta’ 21 assist fi staġun wieħed tal-Premier League, u sar l-ewwel player tal-United li rebaħ dan il-premju mindu Wayne Rooney għamel dan fl-2010.
Min-naħa ta’ Shaw, din rebħitu għat-tieni darba fi tliet staġuni wara li skorjat 21 goal u rebħet it-tielet Żarbun tad-Deheb konsekuttiva fil-WSL.
Nico O’Reilly ta’ Manchester City rebaħ il-premju tal-aqwa player żagħżugħ tal-irġiel, filwaqt li Olivia Smith ta’ Arsenal żammet it-titlu tan-nisa.
