Eluf ta’ partitarji Laburisti ċċelebraw bil-kbir ir-rebħa storika Laburista barra ċ-Ċentru Nazzjonali Laburista fil-Ħamrun. Dan hekk kif il-Partit Laburista rebaħ ir-raba’ rebħa elettorali konsekuttiva.
L-ammont ta’ nies li ħarġu jivvutaw fl-elezzjoni laħaq madwar 87.42%, skont ċifri uffiċjali li nħarġu mill-Kummissjoni Elettorali. Dak kien ogħla milli kien fl-2022.
Iċ-ċelebrazzjonijiet komplew iktar tard fuq il-Fosos tal-Furjana, fejn il-Prim Ministru reġa’ indirizza lill-eluf ta’ partitarji Laburisti preżenti, kif ukoll f’toroq ewlenin madwar Malta u Għawdex.
