Chelsea identifikaw lid-difensur ta’ Torino, Bremer bħala mira possibbli ta’ trasferiment.
Il-Blues jinsabu fis-suq għal rinforzi difensivi fost inċertezza dwar il-futur ta’ Antonio Rudiger, Andreas Christensen, Thiago Silva u Cesar Azpilicueta, li kollha huma bla kuntratt fi tmiem dan l-istaġun.
Thomas Tuchel jibqa’ jittama li jistgħu jżommu l-kwartett difensiv tagħhom, iżda l-club beda jesplora għażliet alternattivi f’każ li ma jkunux jistgħu jaqblu dwar it-termini.
Bremer huwa wieħed mill-players fil-lista qasira tagħhom, bil-club minn Londra kien impressjonat meta bagħat scouts jarawh kontra Empoli il-ġimgħa li għaddiet.
Madankollu, Chelsea jistgħu jiffaċċjaw kompetizzjoni għall-firma tiegħu mir-rivali tal-Premier League Liverpool, Tottenham Hotspur u West Ham United.
Iż-żagħżugħ ta’ 24 sena huwa kkuntrattat ma’ Torino sal-2023, u l-club tas-Serie A huwa mifhum li qed jitlob offerta ta’ mill-inqas £21m.
Bremer ingħaqad ma’ Torino fl-2018, u minn dakinhar skorja 12-il goal fi 93 dehra mal-club.
