Victor Osimhen ta’ Napoli ikkonferma li l-clubs tal-Premier League huma interessati li jiffirmawh dan is-sajf.
Il-player ta’ 23 sena gawda minn staġun ta’ suċċess ma’ Napoli, fejn skorja 18-il goal fi 32 dehra fil-kompetizzjonijiet kollha.
Il-forma ta’ Osimhen ġibdet interess minn Manchester United u Real Madrid, filwaqt li huwa mifhum li Arsenal diġà għamlu offerta ta’ £51 miljun għall-player internazzjonali tan-Niġerja, li iżda ma tilħaqx il-prezz mitlub minn Napoli ta’ £85 miljun.
