Arsenal qalgħu daqqa ta’ ħarta fit-tentattiv tagħhom li jakkwistaw lil Dejan Kulusevski mingħand Juventus bi skambju ma’ Nicolas Pepe.
Il-Gunners huma maħsuba li huma ammiraturi kbar tal-internazzjonali Żvediż, li skorja tmien gowls u pprovda tmien assists fi 62 dehra għal Juventus.
Arsenal żiedu l-interess tagħhom fil-player ta’ 21 sena billi għamlu kuntatt mal-Bianconeri.
Qed jingħad li l-Gunners riedu jutilizzaw lil Pepe fi trattativa ta’ skambju, bil-winger stmat madwar £30m – l-istess ħlas li l-Juve qed jitolbu għal Kulusevski.
Madankollu, jingħad li Juventus irrifjutaw l-offerta għax iridu li jonfqu l-flus f’pożizzjonijiet oħra.
Ir-rivali ta’ Arsenal, Tottenham Hotspur, huma wkoll maħsuba li jisnabu interessati li jiffirmaw lil Kulusevski.
