Saturday, December 4, 2021

L-Ingilterra twaqqaf rekord ġdid ta’ goals kompetittivi fir-rebħa kbira ta’ 10-0 kontra San Marino

Aqra wkoll

L-Ingilterra waqqfet rekord ġdid ta’ goals kompetittivi fir-rebħa kbira ta’ 10-0 kontra San Marino fil-konfront tat-Tnejn ta’ Kwalifikazzjoni għat-Tazza tad-Dinja 2022.

It-Three Lions ma wrew l-ebda ħniena lejn l-ospiti tagħhom hekk kif il-players immexxija Gareth Southgate – kif ukoll il-captain Harry Kane li skorja erba’ goals – għamlu ħerba minn San Marino fl-10 ġurnata.

L-Ingilterra kisbu post fit-Tazza tad-Dinja tal-2022 wara li skorjaw 10 goals mingħajr risposta, b’Emile Smith Rowe, Bukayo Saka, Tyrone Mings, Harry Maguire u Tammy Abraham ukoll isibu posthom fuq il-lista tal-iskorers.

B’hekk, l-Ingilterra rreġistraw ċifri doppji f’partita kompetittiva għall-ewwel darba fl-istorja tagħhom, filwaqt li skurjaw 10 gowls f’logħba għall-ewwel darba minn meta għelbu lill-Istati Uniti bl-iskor ta’ 10-0 f’Mejju tal-1964.

Madankollu, it-Three Lions ma setgħux jiksru r-rekord ta’ goals ta’ kull żmien tagħhom f’partita kompetittiva jew mhux kompetittiva, bir-rebħa ta’ 13-0 kontra l-Irlanda fl-1882 tibqa’ l-akbar rebħa tagħhom fl-istorja.

L-Ingilterra spiċċaw fil-quċċata ta’ Grupp I b’26 punt minn 30 punt possibli – sitt punti vantaġġ fuq il-Polonja li spiċċat fit-tieni post wara t-telfa tagħhom kontra l-Ungerija.

Sport