Matul il-karriera tiegħu ta’ player, Karim Benzema, kien involut f’diversi kontroversji, ħafna drabi marbuta ma’ kwistjonijiet fil-ground. F’din l-okkażjoni, huwa kellu akkuża serja ħafna miġjuba fuqu minn membru tal-Gvern Franċiż.
Waqt intervista fuq stazzjon televiżiv Franċiż, Gerald Darmanin, li huwa l-Ministru tal-Intern ta’ Franza, akkuża lil Benzema li għandu rabtiet ma’ grupp bl-isem ta’ The Muslim Brotherhood, li huma rikonoxxuti bħala organizzazzjoni terroristika minn bosta pajjiżi.
“Is-Sur Karim Benzema għandu rabtiet notorji, kif nafu lkoll, mal-Fratellanza Musulmana.”
Benzema għad irid joħroġ risposta lil Darmanin, għalkemm wieħed jimmaġina li mhuwiex wisq ‘il bogħod. L-eks attakkant ta’ Real Madrid qatt ma kien wieħed li jiddejjaq milli jitkellem, u x’aktarx ma jbiddilx l-approċċ tiegħu dwar din il-kwistjoni.
B’mod notevoli, mhux l-ewwel darba li Benzema kien fil-mira din il-ġimgħa, hekk kif kien imsejjaħ “iben ta’ żarbuna” mill-eks goalkeeper ta’ La Liga, Dudu Aouate, wara li l-Franċiż offra l-appoġġ tiegħu lill-Palestinjani fost l-inkwiet li għaddej ma’ Iżrael.
