Education Bar rebħu l-kampjonat 5-a-side organizzat mill-Assoċjazzjoni Maltija tad-Darts wara li għelbu lil Ħamrun Bayern A 3-1 f’logħba li rriżultat f’waħda ferm interessanti.
Education Bar fetħu vantaġġ tajjeb ta’ 2-0 fil-bidu u għalkemm, Ħamrun Bayern A naqqsu l-marġni tal-iskor, tal-ewwel kienu ferm motivati li joħorġu bl-unur tant prestiġġjuż tant li fil-game finali, Tony Borg għeleb lil George Ebejer.
Dawn kienu r-riżultati li kellna:
Edward Azzopardi – Godfrey Abela 0-3
Kevin Aquilina – Norbert Attard 1-3
Mario Sciascia – Brian Abela 3-1
George Ebejer – Tony Borg 2-3
Sadanittant Norbert Attard, Mario Sciascia, George Ebejer u Tony Borg irreġistraw l-aqwa skor ta’ 180 filwaqt li kien hemm 136 finish u 12 Darts minn Tony Borg.
Fi tmiem il-konfront il-president tal-Malta Darts Association Roderick Zammit ippreżenta t-tazza lit-team manager ta’ Ħamrun Education Tony Demanuele.
Iż-żewġ naħat jerġgħu jiltaqgħu l-ġimgħa d-dieħla f’finali oħra, din id-darba tal-4-a-side.
