Education Bar Ħamrun rebħu lil Fgura Kenky 6-2 fl-isfida diretta fin-naħa ta’ fuq tal-klassifika sabiex komplew iżommu t-tamiet tagħhom għar-rebħ tal-kampjonat ħajjin.
Il-Ħamruniżi stabilixxew vantaġġ ta’ 4-0 fl-ewwel erba’ games u għalkemm Fgura naqqsu l-marġni tal-iskor, huma xorta baqgħu konċentrati sabiex kisbu tliet punti ferm importanti.
Floriana Ajax żammew il-konsistenza tagħhom wara li ddominaw il-konfront kontra Top Gun Bar 8-0.
Mill-banda l-oħra, Ħamrun Bayern B issoprendew lil Manchester Conquest Pub sabiex rebħu 5-3 filwaqt li Ħamrun Bayern A għelbu bl-istess skor lil Sliema Inter Darts Club.
Fit-tieni diviżjoni, Birżebbuġa Lions baqgħu l-leaders assoluti wara li għelbu bl-iskor kbir ta’ 8-0 lil Mqabba tal-Ġilju.
Fit-tielet diviżjoni, Birgu Boċċi Club komplew għaddejjin bit-triq tar-rebħ wara li għelbu lil Mqabba FC 7-1.
Domus Żejtun baqgħu jsegwu b’riżultat pożittiv ta’ 5-3 kontra Duke’s A filwaqt li Żebbuġ Rangers FC kienu aħjar minn Leah’s Bar tant li rebħu 6-2.
