Il-kowċ interim ta’ Malta Davide Mazzotta sejjaħ skwadra inizjali ta’ 30 player għal-logħbiet internazzjonali li ġejjin fl-Istadium Nazzjonali, il-partita ta’ ħbiberija kontra t-Turkmenistan nhar il-Ħamis, 10 ta’ Ottubru u l-logħba ta’ kwalifikazzjoni tal-UEFA Nations League Group D2 kontra l-Moldova l-Ħadd, 13 ta’ Ottubru.
L-ewwel għażla tal-iskwadra ta’ Mazzotta tinkludi għadd ta’ uċuħ ġodda, fosthom l-attakkant ta’ Reading ta’ 19-il sena Basil Tuma, li diġà rrappreżenta lil Malta fil-livell ta’ U-19 u U-21, Trent Buhagiar ta’ Brescia, u d-difensur ta’ Gzira United Gabriel Mentz, li riċentament ingħata ċ-ċittadinanza Maltija. Neil Micallef ta’ Birkirkara wkoll irċieva l-ewwel sejħa tiegħu.
L-iskwadra tilqa’ lura wkoll lil Dunstan Vella ta’ Floriana, Juan Corbalan, ta’ Hamrun Spartans, Cain Attard, ta’ Sliema Wanderers, u lil Alexander Satariano ta’ Birkirkara, li tilfu t-tieqa internazzjonali ta’ Settembru għal diversi raġunijiet. Ryan Scicluna ta’ Marsaxlokk ġie msejjaħ fl-iskwadra inizjali wara assenza twila.
Ta’ nota huwa l-fatt li Carlo Zammit Lonardelli u Steve Pisani se jitilfu dawn il-partiti wara li sofrew injuries fil-jiem li għaddew. Jodi Jones, Steve Borg u Enrico Pepe huma wkoll esklużi minħabba injuries diversi.
Malta għandhom tliet punti wara li lagħbu żewġ partiti ta’ kwalifikazzjoni tal-Grupp D2 tal-UEFA Nations League, l-istess bħall-Moldova li lagħbu logħba inqas.
Biljetti għal-logħba mill-UNL kontra l-Moldova fit-13 ta’ Ottubru u l-partita ta’ ħbiberija preċedenti kontra t-Turkmenistan (10 ta’ Ottubru) jistgħu jinxtraw mis-sit uffiċjali tal- MFA.
L-iskwadra ta’ 30 player hija din:
Goalkeepers: Henry Bonello (Hamrun Spartans FC), Rashed Al Tumi (FC Sheriff Tiraspol – Moldova), Matthew Grech (Zabbar St Patrick FC)
Difensuri: Jean Borg (Sliema Wanderers FC), Luke Tabone (Haverfordwest County AFC – WA), Mattias Ellul (Ħamrun Spartans FC), Neil Micallef (Birkirkara FC), Kurt Shaw (Hibernians FC), Zach Muscat (Bla klabb), Gabriel Mentz (Gzira United FC)
Midfielders: Jan Busuttil (Balzan FC), Matthew Guillaumier (FKS Stal Mielec Spolka Akcyjna – Polonja), Nikolai Muscat (Marsaxlokk FC), Ryan Scicluna (Marsaxlokk FC), Matias Nicolas Garxia (Floriana FC), Teddy Teuma (Stade de Reims FC – Franza ), Dunstan Vella (Floriana FC), Ryan Camenzuli (Ħamrun Spartans FC), Adam Magri Overend (Sliema Wanderers FC), Joseph Essien Mbong (Ħamrun Spartans FC), Cain Attard (Sliema Wanderers FC), Juan Corbalan (Hamrun Spartans FC)
Attakkanti: Jurgen Degabriele (Hibernians FC), Kemar Reid (Floriana FC), Luke Montebello (Hamrun Spartans), Paul Mbong (Birkirkara FC), Kyrian Nwoko (Floriana FC), Alexander Satariano (Birkirkara FC), Trent Anthony Buhagiar (Brescia Calcio – IT ), Basil Tenywa Tuma (Reading U21 – Ingilterra)
