Il-kunflitt bejn il-Hamas u Iżrael diġa rriżulta fil-mewt ta’ aktar minn 12,000 ruħ f’Gaża u Iżrael flimkien, b’aktar minn 1,000 Iżraeljan u 11,250 Palestinjan maqtula. Dan il-kunflitt kien ukoll l-aktar wieħed fatali għall-ġurnalisti mill-1992 ‘l hawn li diġa sewa l-ħajja ta’ 42 ġurnalist maqtula, li l-maġġoranza tagħhom kienu Palestinjani.
Il-kunflitt li beda fis-7 ta’ Ottubru, 2023, meta militanti Palestinjani mmexxija mill-Ħamas mill-Istrixxa ta’ Gaża invadew diversi nħawi fin-Nofsinhar ta’ Iżrael. Wara dan, il-militar Iżraeljan irritalja b’kampanja estensiva ta’ bumbardament mill-ajru fuq miri ta’ Gaża, segwiti minn invażjoni Iżraeljana fuq skala kbira tal-art tat-Tramuntana ta’ Gaża fis-27 ta’ Ottubru, 2023.
Mill-bidu tiegħu, il-kunflitt kabbar ukoll il-fokus tat-theddid terroristiku fl-Istati Uniti, b’delinkwenti ispirati minn jew b’reazzjoni għall-kunflitt li għaddej bejn l-Iżrael u l-Ħamas li jippreżentaw l-aktar theddida probabbli għall-Amerikani, speċjalment il-komunitajiet Lhud, Musulmani u Għarab Amerikani.
L-Istati Uniti tinsab f’livell ta’ theddida ogħla mill-attakk tal-Ħamas fis-7 ta’ Ottubru fuq Iżrael, li qawwi l-attenzjon għat-theddid terroristiku lill-pajjiż tant li d-Direttur tal-FBI, Christopher Wray, stqarr it-tħassib serju tiegħu illi l-Istati Uniti tinsab f’ambjent ta’ theddid akbar.
