Lazio jinsabu interessati li jiksbu s-servizzi tal-attakkant ta’ Hertha Berlin Dodi Lukebakio. Dan tal-aħħar għandu 25 sena u hu ta’ nazzjonalita’ Belġjana. Hu skorja 24 gowl f’94 dehra mat-tim mill-belt kapitali Ġermaniża filwaqt li għamel żmien misluf ma’ VFL Wolfsburg.
Il-kuntratt tiegħu ma’ Hertha Berlin jiskadi fl-2024 b’Lazio li jinsabu lesti li jakkwistawh sabiex iżidu s-saħħa tagħhom fid-dipartiment offensiv.
