Cristiano Ronaldo ċċelebra l-197 dehra internazzjonali bir-rekord tad-dinja tiegħu meta skorja darbtejn hekk kif il-Portugall għelbu lit-team remot ta’ Liechtenstein 4-0 fil-logħba tal-ftuħ tagħhom ta’ kwalifikazzjoni għall-Euro 2024. Issa l-player ta’ 38 sena skorja rekord ta’ 120 goal internazzjonali.
Huwa għamel id-debutt internazzjonali tiegħu fl-2003 u fil-Qatar is-sena l-oħra sar l-ewwel player li skorja f’ħames Tazzi tad-Dinja.
Ronaldo żied mal-goals tiegħu b’penalty fit-tieni taqsima qabel ma sab l-anglu ta’ fuq tal-lasti minn free-kick.
L-attakkant, li issa qed jilgħab fl-Arabja Sawdija għal Al Nassr, kien frustrat quddiem il-lasti matul l-ewwel taqsima, darba minnhom kellu ċans kbir iżda tefa’ għoli fuq il-lasti bl-ospiti kellhom biss goal devjat ta’ Joao Cancelo bħala premju għad-dominanza tagħhom.
Wara li Bernardo Silva rdoppja il-vantaġġ tagħhom ftit wara l-bidu tat-tieni taqsima, Ronaldo spikka hekk kif laħaq pass ieħor importanti biex wasal għal marka tal-istorja oħra b’mod tajjeb.
Ronaldo kien laħaq lill-attakkant tal-Kuwajt, Bader Al-Mutawa, fuq 196 logħba fit-Tazza tad-Dinja, iżda kien hemm mistoqsijiet dwar il-futur internazzjonali tiegħu wara l-eliminazzjoni tal-Portugall mill-Marokk fl-istadju tal-kwarti-finali.
Ir-rebbieħ tal-Ballun tad-Deheb ħames darbiet sab ruħu barra mit-team tal-Portugall fit-tournament, iżda ġġustifika l-għażla tiegħu taħt il-manager il-ġdid Roberto Martinez li ddebutta b’rebħa tajba wara li fit-tmiem tat-Tazza tad-Dinja ħalla lill-Belġju wara sitt snin fil-kariga.
