L-eks Speaker Anġlu Farrugia se jiriċevi unur prestiġġjuż mill-Assoċjazzjoni Parlamentari tal-Commonwealth għall-karriera parlamentari distinta tiegħu u l-kontribut tiegħu fuq numru kbir ta’ snin lejn it-tisħiħ tad-demokrazija parlamentari, il-governanza tajba u s-servizz pubbliku. Din hi l-ewwel li l-ewwel darba li dan il-premju, magħżul minn bord apposta fl-organizzazzjoni, qed jingħata lil MP jew Speaker Malti.
Dan l-unur se jkun qed jiġi ppreżentat lil Dr Farrugia waqt id-69 Konferenza Parlamentari tal-Commonwealth li se ssir nhar is-17 ta’ Settembru li ġej f’Cape Town, l-Afrika t’Isfel.
