Waqt konferenza tal-aħbarijiet bit-tema tal-Familja, il-Prim Ministru sostna li gvern Laburista se jkun qiegħed ikompli jservi ta’ spalla għall-familji fil-programm edukattiv ta’ wliedhom.
Il-Prim Ministru kompla biex jgħid li l-għan ta’ dan il-gvern huwa li aktar studenti jkomplu bl-edukazzjoni tagħhom wara l-età obbligatorja. Għalhekk se jkun qiegħed isostni lil dawk il-familji kollha f’dan il-vjaġġ edukattiv.
Se jkun qiegħed jagħti €500 għal tliet snin lil dawk il-ġenituri li uliedhom ikomplu bl-edukazzjoni tagħhom wara l-età obbligatorja. F’każi fejn l-ulied jgħixu għal rashom, se jkunu qegħdin jirċievu din l-għotja b’mod dirett.
