Wednesday, March 27, 2024

Eluf ta’ bottijiet ta’ birra jimblukkaw triq fi Florida wara ħabta bejn diversi trailers

Claudio Coleiro
Claudio Coleiro
Ġurnalist

Aqra wkoll

Triq ewlenija fi Florida kienet imblukkata nhar l-Erbgħa minn eluf ta’ bottijiet tal-birra wara ħabta bejn diversi trailers.

Il-korsijiet kollha ngħalqu wara li trailer li kien qed iġorr il-birra ħabat ma’ trakkijiet li kienu pparkjati mal-ġenb tat-triq.

Ritratti meħuda fuq il-post juru kaxxi tal-birra u bottijiet imxxerdin, bit-triq bilkemm tidher. It-triq eventwalment reġgħet infetħet xi sigħat wara u ġew irrappurtati biss ġrieħi ħfief.

Skont it-Tampa Bay Times, żewġ semi-trailers ħabtu f’highway u tefgħu mal-ġenb. Żewġ semi-trailers oħra u trakk ieħor ‘pickup’ waqfu biex jgħinu. Il-ħames trailer, dak li kien qed iġorr il-birra, naqas milli jieqaf fil-ħin u ħabat mal-vetturi pparkjati. 

Minbarra l-birra, il-konkos li qed jinġarr minn wieħed mit-trakkijiet inxtered mat-triq kollha. 

Ekonomija

Sport