Id-difensur Italo/Brażiljan Emerson Palmieri mhux se jitlaq lil West Ham United għallinqas sa Jannar li ġej minkejja li hemm interess kbir minn diversi klabbs Torok. Hekk kif illum jagħlaq is-suq tat-trasferimenti f’dan il-pajjiż, ma jidhirx li l-plejer ta’ 30 sena se jiċċaqlaq mil-London Stadium.
Palmieri dejjem stqarr li jinsab kuntent ma’ West Ham fejn magħhom ilu sentejn u fejn lagħab 61 logħba u skorja żewġ gowls.
