Is-sewwieq Spanjol tal-Moto GP, Marc Marquez, ta’ Ducati rebaħ ir-raba’ Grand Prix tal-Ġappun tiegħu biex temm double ta’ rebħiet fil-Motegi Circuit, wara li kien rebaħ ukoll l-isprint race.
B’dan ir-riżultat, naqqas id-distakk minn Jorge Martin fil-quċċata tal-klassifika tal-kampjonat għal żewġ punti.
Wara li diversi sewwieqa kellhom problemi serji bil-konsum tat-tyres rotob ta’ wara fl-isprint race tas-Sibt, is-sewwieqa kollha għażlu tajers iebsin għat-tiġrija ewlenija.
Martin, li beda mill-pole position, żamm il-vantaġġ fil-bidu u deher komdu fl-ewwel tmien dawriet, iżda Marquez stenna l-mument opportun biex jattakka.
Dan wasal fil-11-il dawra, meta Martin ħalla ftit spazju fuq ġewwa u Marquez approfitta biex jieħu l-ewwel post.
Iċ-champion renjanti mbagħad ikkontrolla t-tellieqa sal-aħħar, qabel Aprilia ta’ Martin u Marco Bezzecchi.
Martin issa għandu 333 punt, b’Marquez fuq 331, b’sitt rounds fadal.
Bezzecchi żamm it-tamiet żgħar tiegħu ħajjin għat-titlu billi spiċċa fit-tielet post, filwaqt li Ai Ogura temm fis-sitt post wara taqtiegħ eċċitanti ma’ Raul Fernandez u Pedro Acosta.
Il-klassifika ġenerali (ta’ fuq) hija: 333 – Jorge Martin; 331 – Marc Marquez; 284 – Marco Bezzecchi; 243 – Pedro Acosta; 237 – Ai Ogura; 230 – Fabio Di Giannantonio
