Il-coach ta’ Ajax, Erik ten Hag, sar l-għażla numru wieħed ta’ Manchester United biex jieħu r-rwol maniġerjali fi tmiem l-istaġun 2021-22.
Ralf Rangnick bħalissa huwa responsabbli mir-Red Devils fuq bażi temporanja, iżda l-Ġermaniż mistenni jmur f’pożizzjoni ta’ konsulenza f’Old Trafford f’Mejju li ġej.
Mauricio Pochettino ta’ Paris Saint-Germain kien maħsub li kien l-għażla ppreferuta ta’ Man United għar-rwol tas-sajf li ġej, bl-Arġentin allegatament qed iħares lejn ritorn fil-Premier League.
Madankollu, Ten Hag jisnab favorit li jieġu l-kariga, bil-coach ta’ 51 sena jimpressjona lid-diriġenti tal-club minn Old Trafford minħabba x-xogħol tiegħu ma’ Ajax.
L-Olandiż mexxa lit-team tiegħu biex jiksbu post fil-fażi tal-aħħar 16 taċ-Champions League b’sitt rebħiet fil-fażi tal-gruppi, filwaqt li ċ-champions tal-Eredivisie huma wkoll fuq nett tal-klassifika domestika tagħhom.
Huwa mifhum li Ten Hag ‘jimmarka l-kaxxi kollha’ għal Man United, u l-ex difensur ċentrali lest jagħmel il-pass li jmiss fil-karriera tiegħu fi tmiem l-istaġun.
Rangnick rebaħ żewġ partiti u ġie draw f’waħda mit-tliet logħbiet tiegħu fit-tmexxija tar-Red Devils, inklużi rebħiet ta’ 1-0 kosnekuttivi fil-Premier League fuq Crystal Palace u Norwich City.
