Fost l-interventi li saru minn dawk preżenti kien hemm dak tal-President tal-GWU Victor Carachi li qal illi ċertu liġijiet li qed jgħaddu fl-Ewropa qed ikunu ta’ xkiel għal dawk il-pajjiżi li jiddependu ħafna fuq kumpaniji żgħar u medji.
Dwar l-inflazzjoni huwa faħħar l-inizjattiva tal-Gvern bl-iskema “Stabilità” li qed twassal għal roħs fil-prezzijiet u għaldaqstant appella biex din l-iskema tiġi estiża għal prodotti oħra nkluż is-settur tal-kostruzzjoni.
Is-Sur Carachi qal ukoll li peress li s-suq ta’ Malta huwa żgħir, huwa indispensabbli li l-inflazzjoni tkompli tiġi mrażżna għax din taf jekk tkompli terfa’ rasha tista’ taffettwa l-kompetittività tal-pajjiż.
