Hekk kif Juventus rebħu lil Fiorentina bl-iskor ta’ 1-0 fl-Allianz Stadium il-Ħadd filgħaxija, l-iskorer tal-gowl Federico Gatti ddedika dan is-suċċess lill-eks kollega tiegħu ma’ Verbania Marco Pezzatti li miet ħabta u sabta l-ġimgħa l-oħra.
Gatti, li kien jilgħab fil-kampjonat tad-dilettanti qabel m’għamel il-grad ma’ Juventus, jiftakar lil Pezzatti bħala kollega dedikat u fisser kemm beka meta sar jaf bil-mewt tiegħu.