Il-plejer żagħżugħ Ġermaniż Felix Nmecha jidher li se jkun l-eredi ta’ Jude Bellingham li telaq lil Borussia Dortmund sabiex ingħaqad ma’ Real Madrid fejn hemmhekk qed jispikka.
Nmecha beda jilgħab b’mod regolari mat-tim minn Dortmund, immexxija minn Edin Terzic, fejn s’issa deher fl-aħħar tliet logħbiet tal-klabb.
Nmecha hu plejer li twieled l-Ingilterra, għandu wkoll ċittadinanza Ġermaniża u kiber fl-akkademja ta’ Manchester City. Hu għamel sentejn ma’ Wolfsburg fejn lagħab bħala plejer f’nofs il-grawnd.