Sewwieq ta’ mutur kellu jiddaħħal l-isptar wara li aktar kmieni għall-ħabta tal-10:00 a.m kien involut f’inċident tat-traffiku fi Triq l-Imġarr Għajnsielem.
Minn investigazzjoni li saret irriżulta li kienet seħħet ħabta bejn mutur Yamaha XTZ misjuq mill-vittma u vann Isuzu misjuq minn raġel ta’ 80 sena residenti Għajnsielem.
![](https://talk.mt/wp-content/uploads/2023/12/incident-imgarr-1024x768.jpg)
Fil-post issejjaħ tim mediku u ambulanza li ħadet lis-sewwieq tal-mutur lejn l-Isptar Ġenerali t’Għawdex għal aktar kura. Aktar tard huwa rriżulta li sofra minn ġrieħi serji.
Il-Maġistrat tal-Għassa Dr Brigitte Sultana ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.